ОПИС
Тура „Венец“ – ви дава можност за краток период да се запознаете со убавините Бистра и e одлична шанса да го замените градскиот асфалт со чист планински воздух. Турата е во времетраење од 1-1:30 часа и ви нуди прекрасен поглед кон мијачките села и планинските предели.
Патека наречена Говедарник – За сите оние кои сакаат долга авантура и неповторливо доживување. Зошто Говедарник? Заради тоа што во текот на возењето осознаваме што се крие зад карпата. Говедарник и одблиску го гледаме бачилото што го носи истото име. Гледаме каков е животот таму. Одблиску се запознаваме со начинот на кој се доаѓа до познатото галичко сирење и овчото кисело млеко . Особена важност им оддаваме на овчарите кои цела сезона престојуваат токму на тоа место заедно со своите овци. Рутата е долга 21 км со времетраење од околу 3 ипол часа.
За турата Чавкарник – Уникатноста е означена во самото име, добиено поради чавките кои престојуваат во пештерата до бачилото сe до доаѓањето на овците и овчарите. Благодарејќи на пријатната температура, оваа пештера е и местото, каде се чува и созрева сирењето. Оваа тура ви овозможува поблизу да се запознаете со прекрасние предели на планината Бистра и бачилата каде што се прави најдоброто галичко сирење. Турата е долга 33 км, со времетраење од 4 и пол часа.
